അദ്ദിക്ർ

ഈ സൂക്തം അവതരിക്കുന്ന കാലത്ത് നാഥന്‍റെ ഗ്രന്ഥം ക്രോഡീകരിച്ചിരുന്നില്ല. കപടവിശ്വാസികളും അവരുടെ അനുയായികളും നാഥനെക്കൊണ്ടും അന്ത്യദിനത്തെക്കൊ ണ്ടും വിശ്വസിച്ചിരുന്നില്ല. അപ്പോള്‍ 9: 48 ല്‍ വിവരിച്ച പ്രകാരം അവര്‍ പ്രവാചകനെ അ നുസരിച്ചു എന്ന് വായകൊണ്ട് പറയുന്നവരും ഹൃദയം കൊണ്ട് നിഷേധിക്കുന്നവരുമായിരുന്നു.

16: 89 ല്‍, സര്‍വസ്വം നാഥന് സമര്‍പ്പിച്ച് ജീവിക്കുന്ന മുസ്ലിംകള്‍ക്ക് സന്മാര്‍ഗവും കാരുണ്യവും ശുഭവാര്‍ത്താദായകവുമാണ് എന്ന് വിശേഷിപ്പിക്കപ്പെട്ട അദ്ദിക്ര്‍ ഇന്ന് ഒരു ഗ്രന്ഥമായി രൂപപ്പെട്ടിട്ടുണ്ട്. എന്നാല്‍ ആത്മാവില്ലാത്ത കെട്ടജനതയായ കപടവിശ്വാസികള്‍ 2: 26 ല്‍ വിവരിച്ച പ്രകാരം അദ്ദിക്റിനെ തള്ളിപ്പറയുക എന്നത് അവരുടെ ഭക്ഷണമാക്കിയിരിക്കുകയാണ്. നരകക്കുണ്ഠത്തിലേക്കുള്ള സിജ്ജീന്‍ പട്ടികയിലുള്ള ഇത്തരം ഫുജ്ജാറുകള്‍ തിന്മ കല്‍പിക്കുന്നവരും നന്മ വിരോധിക്കുന്നവരും നാഥനെ വിസ്മരിച്ചവരുമാണ്; അതുകൊണ്ട് നാഥന്‍ അവരെയും വിസ്മരിച്ചിരിക്കുന്നു, അവര്‍ തന്നെയാണ് തെമ്മാടികള്‍ എന്ന് 9: 67-68 ല്‍ പറഞ്ഞിട്ടുണ്ട്. അക്കൂട്ടര്‍ അദ്ദിക്ര്‍ കേള്‍ക്കാത്തവരും വാ യിക്കാത്തവരും അതിനെക്കുറിച്ച് ലോകരോട് പറയാത്തവരുമായതിനാല്‍ 2: 18; 17: 97-98; 25: 33-34 സൂക്തങ്ങളില്‍ വിവരിച്ച പ്രകാരം അന്ധരും ബധിരരും ഊമരുമായി നരകക്കുണ്ഠത്തിലേക്ക് തള്ളിവിടപ്പെടാനുള്ളവരാണ്. 8: 22; 9: 42-47 വിശദീകരണം നോക്കുക.